ماوەی چەند رۆژێکە شەڕی پەرچەکرداری لەنێوان ئێران و ئەمریکا سەریهەڵداوەتەوە، بەپێی دواین پێشهات هێزێک لە سوپای پاسدارانی ئێران هاتوونەتە سەر سنوری کوردستان، ئاوێنە زانیاری نەبیستراو لەوبارەیەوە لەرێگەی شارەزایەکی کاروباری ئێران دەخاتە روو.
ئاوێنە: ئیسماعیل هەورامی، شارەزای کاروباری ئێران لە لێدوانێکدا سەبارەت بە دەستپێکردنەوەی هێرشی مووشەکی لەنێوان ئێران و ئەمریکا بەئاوێنەی وت "گەرووی هورمز درەنگ یاخود زوو کۆنترۆڵدەکرێت و لەژێر دەستی ئێران دەردەهێندرێت".
سەبارەت بە هاتنی سوپای پاسداران بۆسەر سنورەکانی هەرێمی کوردستان، ئەو شارەزایە رونیکردەوە "ئێران خەریکە بەتەواوی دەسەڵاتی بەسەر گەرووی هورمزدا نامێنێت، وا هەست دەکات لەم قۆناغەدا هێزەکانی رۆژهەڵات هەڕەشەی جددین، ئێرانیش خۆی درکی بەو راستییە کردووە".