بەگوێرەی ماڵپەڕی شەفافیەت، داهاتی ئەم هەفتەیەی سلێمانی نزیكه‌ی 10 ملیار دینارەو ئه‌وه‌ش له‌چاو هه‌فته‌ی رابردو زیاتر له 7% كه‌می كردوه.
ئاوێنە: بەگوێرەی ماڵپەڕی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجەو هەردو ئیدارەی راپەڕین و گەرمیان، داهاتی ئەم هەفتەیەی سلێمانی لە 18ی 7 تا 24ی 7ی 2026، زیاتر لە 9 ملیارو 750 ملیۆن و 827 هەزار دینارە.
هەر بەگوێرەی ماڵپەڕەكە، لەو بڕە 7 ملیارو 257 ملیۆن و 972 هەزار دیناری واتە 74%ی نەختینەیەو هەروەها 2 ملیارو 492 ملیۆن و 855 هەزار دیناری واتە 26%ی بەشێوەی چەكەو مەقاسە سفرە.
به‌گوێره‌ی ماڵپه‌ڕه‌كه داهاتی ئه‌م هه‌فته‌یه‌ی سلێمانی له‌چاو هه‌فته‌ی رابردو، زیاتر له 830 ملیۆن دینار و به‌ڕێژه‌ی زیاتر له 7.85% كه‌می كردوه.