دۆناڵد تره‌مپ، سه‌رۆكی ئه‌مریكا ره‌خنه له سه رۆكی كۆمپانیای شیڤرۆن ده‌گرێت له‌سه‌ر ئه‌وه‌ی كه له چاوپێكه‌وتنێكدا ستایشی ئیداره‌ی ئێستای ئه‌مریكا نه‌كردوه. له په‌یامێكیشدا بۆ كۆمپانیاكانی نه‌وت ده‌ڵێت: هه‌ر ئێستا نرخی نه‌وت دابه‌زێنن.
ئاوێنه: دۆناڵد تره‌مپ، سه‌رۆكی ئه‌مریكا، ئێواره‌ی ئه‌مڕۆ دوشه‌ممه، له تۆڕی كۆمه‌ڵایه‌تی تروس سۆشیاڵ نوسیویه‌تی، مایک وێرس، سەرۆکی جێبەجێکار و سەرۆکی کۆمپانیای شیڤرۆن، لە چاوپێکەوتنێکدا، هەمو ئەو هۆکارانەی خستەڕو کە بۆچی کۆمپانیاکەی ئەوەندە بە باشی بەڕێوەدەچێت. تەنها شتێک کە زۆر بە ئاسانی لەبیری کرد ئاماژەی پێ بکات ئەوەیە کە، بەبێ بلیمەتی، دوربینی، هێز و سەقامگیریی ئیدارەی ترەمپ، پیشەسازیی نەوت و خودی وڵاتەکەشمان مردبون.
تره‌مپ وتوشیه‌تی، بۆ نمونه، مایک وێرس و كۆمپانیای شیڤرۆنیان لە ڤه‌نزوێلا وەدەرنان، بەڵام ئێستا زۆر فراوانترو بەهێزتر لە هەر کاتێکی تر گه‌ڕاونه‌ته‌وه ئه‌و وڵاته‌و چاوەڕێی به‌ده‌ستهێنانی سەروەت و سامانێکی زۆر دەکەن. ئه‌مه بۆ كۆمپانیاكانی دیكه‌ی نه‌وتیش راسته.
تره‌مپ بۆ كۆمپانیاكانی نه‌وت وتویه‌تی، پێویسته هه‌ر ئێستا نرخی نه‌وت بۆ به‌كارهێنه‌ران دابه‌زێنن.