په‌رله‌مانی توركیا له دانیشتنی ئه‌مڕۆیدا پڕۆژە یاسای چوارچێوه‌ی "بەهێزکردنی هاوده‌نگی نیشتمانی و یەکگرتویی کۆمەڵایەتی" كه تایبه‌ته به پڕۆسه‌ی چاره‌سه‌ری به زۆرینه‌ی ده‌نگ په‌سه‌ندكرد.
ئاوێنه: په‌رله‌مانی توركیا له دانیشتنی ئه‌مڕۆی خۆیدا له‌دوای گفتوگۆ، پڕۆژه یاسای چوارچێوه‌ی "بەهێزکردنی هاوده‌نگی نیشتمانی و یەکگرتویی کۆمەڵایەتی" به زۆرینه‌ی ده‌نگی په‌رله‌مانتاران په‌سه‌ندكرد، پڕۆژه یاساكه له‌چوارچێوه‌ی پڕۆسه‌ی ئاشتیدا له توركیا ئاماده‌كرایو.
لە دەنگدانی په‌رله‌مانتاراندا کە بە شێوازی ئەلیکترۆنی بەڕێوەچو، 562 پەرلەمانتار دەنگیان دا، کە 468یان به بەڵێ، 88یان به نەخێر ده‌نگیان داو 6 ئەندامیش دەنگی بێلایەنیان بەکارهێنا.
بەم شێوەیە پڕۆژه یاسای "بەهێزکردنی هاوده‌نگی نیشتمانی و یەکگرتویی کۆمەڵایەتی" لە دانیشتنی گشتیی پەرلەمان تێپەڕی و بو بە یاسا.
له‌پاش ئه‌وه دانیشتنه‌كه‌ی په‌رله‌مانی توركیا كۆتایی هات.