ئەمڕۆ سێشەممە ڕۆژنامەی "نیویۆرک تایمز" بڵاویکردەوە، وەزارەتی دەرەوەی ئەمریکا خەریکی ئامادەکارییە بۆ گەڕاندنەوەی دیپلۆماتەکانی بۆ ناو باڵیۆزخانەکانی وڵاتەکەی لە ناوچەی ڕۆژهەڵاتی ناوەڕاست.
ئاوێنە: بەگوێرەی رۆژنامەکە، چاودێران پێیان وایە ئەم بڕیارە نوێیە نیشانەی ئەوەیە کە واشنتۆن بەو دەرەنجامە گەیشتووە کەلە بارودۆخی ئێستادا، ئەگەری سەرهەڵدانەوەی ڕووبەڕووبوونەوە و جەنگێکی گشتگیر (هەمەلایەنە) بوونی نییە.
بەپێی بەڵگەنامە ناوخۆییەکانی وەزارەتی دەرەوەی ئەمریکا کە دەست "نیویۆرک تایمز" کەوتوون، پرۆسەی گەڕانەوەی دیپلۆماتەکان و کارمەندانی خزمەتگوزاریی دەرەوە، هاوکاتە لەگەڵ کەمکردنەوەی ڕێکارە نائاساییەکان لە نێردە دیپلۆماسییەکانی ئەمریکا لە ڕۆژهەڵاتی ناوەڕاست، ڕەنگە هەر لەم هەفتەیەوە دەستپێبکات.
هەروەها سێ بەرپرسی ئەمریکی کە نەیانویستووە ناویان ئاشکرا بکرێت، لە لێدوانێکدا بۆ ئەو ڕۆژنامەیە وتویانە "ئەم بەیاننامەیە وەک هەنگاوێکی گرنگ بۆ کەمکردنەوەی گرژییەکان و گەڕانەوەی سەقامگیری بۆ یەکێک لە گرنگترین ڕێڕەوە ئاوییەکانی جیهان هەژمار دەکرێت".