دۆناڵد ترەمپ، سەرۆکی ئەمریکا لە پەیامێکی ڤیدیۆییدا جەختی کردەوە، کە دوورگەی خارگ خاپوور دەکرێت.
ئاوێنە: سەرۆکی ئەمریکا دۆناڵد تڕەمپ لە ڕێگەی پەیامێکی کورت و ڤیدیۆیەکی دروستکراوی ژیریی دەستکرد و ڕایگەیاند، کە دوورگەی خارگ، کە گرنگترین ناوەندی وزە و شادەماری هەناردەکردنی نەوتی ئێرانەخاپوور دەکرێت.
سەرەڕای دەنگدانەوەی بەرفراوانی ئەم پەیامە، هیچ ئاماژەیەکی مەیدانی یان سەرچاوەیەکی بێلایەن بۆ هێرشکردنە سەر ئەم بنکە ستراتیژییە بەردەست نییە.
ئاژانسی هەواڵیی ڕۆیتەرز ڕایگەیاندووە، داوای ڕوونکردنەوەی فەرمیی لە کۆشکی سپی و وەزارەتی بەرگریی ئەمریکا (پێنتاگۆن) کردووە، بەڵام بەهۆی ئەوەی داواکارییەکە لە دەرەوەی کاتی فەرمیی کارکردندا بووە، تا ئێستا هیچ وەڵامێک لەلایەن بەرپرسانی واشنتۆنەوە نەدراوەتەوە، بەڵام سوپای پاسداران ئەوەی دووپاتکردووەتەوە کە لەلایەن ئەمریکاوە دوورگەی لارک بەئامانجگیراوە.
دوورگەی خارگ لە کەنداو، گرنگترین کۆڵەکەی ئابووریی ئێرانە؛ بەپێی ئامارە ئابوورییەکان زیاتر لە ٩٠٪ـی هەناردەی نەوتی خاوی ئەو وڵاتە لە ڕێگەی وێستگە و بەندەرەکانی ئەم دوورگەیەوە ئەنجام دەدرێت.