بەرەبەیانیی ئەمڕۆ چوارشەممە، ٢ی ئابی ٢٠٢٦، لە نێوان کاتژمێر ٢:٠٠ بۆ ٢:٤٠ خولەک، بارەگا و شوێنی نیشتەجێبوونی ئەندامانی حیزبی دیموکراتی کوردستانی ئێران لە دوو ناوچەی جیاوازی هەرێمی کوردستان لەلایەن کۆماری ئیسلامیی ئێرانەوە کرانە ئامانج.
ئاوێنە: بەپێی ڕاگەیەندراوێکی فەرمیی حیزبی دیموکراتی کوردستانی ئێران، هێرشەکان لە دوو قۆناغدا ئەنجامدراون:
هێرشی یەکەم: لە ڕێگەی سێ فڕۆکەی بێفڕۆکەوانەوە (درۆن) بەرزاییەکانی ناوچەی بالیسان لە باشووری کوردستان بۆردومان کران.
هێرشی دووەم: پاش ماوەیەکی کەم لە هێرشەکەی سەر بالیسان، کەمپی «جێژنیکان» لە نزیک شاری هەولێر بە ئامانج گیرا، کە شوێنی نیشتەجێبوونی بنەماڵە و خێزانەکانی ئەندامانی ئەو حیزبەیە.
لە بەشێکی دیکەی راگەیەنراوەکەدا ئاماژە بەوە کراوە کە لە سەرەتای سەرهەڵدانی گرژی و ئاڵۆزییە سەربازییەکانی نێوان کۆماری ئیسلامیی ئێران لەگەڵ ویلایەتە یەکگرتووەکانی ئەمریکا و ئیسرائیل، تاران بە زیاتر لە ١٥٦ مووشەک و فڕۆکەی بێفڕۆکەوان شوێنی نیشتەجێبوون و کەمپی خێزانەکانی حیزبی دیموکراتی کوردستانی ئێرانی کردووەتە ئامانج.