پارتی كۆمارییەكانی ئەمریكا، ئەمڕۆ دوشەممە، بەشێوەیەكی رەسمی دۆناڵد ترەمپ، سەرۆكی ئەمریكایان جارێكی دیكە بۆ هەڵبژاردنە سەرۆكایەتییەكەی ئەو وڵاتە كاندیدكردەوە، كە بڕیارە رۆژی 3ی تشرینی دوەمی ئەمساڵ بەڕێوەبچێت.
ئاوێنە: بەپێی ئاژانسەكانی هەواڵ، دۆناڵد ترەمپ، سەرۆكی ئەمریكا، ئەمڕۆ لە كۆنگرەی نیشتمانی حزبەكەیدا دەنگی پێویستی بەدەستهێناوە بۆ ئەوەی بەڕەسمی كاندیدی حزبەكە بێت بۆ هەڵبژاردنی سەرۆكایەتی ئەمریكا.
دۆناڵد ترەمپ، سەرۆكی ئەمریكا، كەمێك بەرلە دەنگدانی كاندیدكردنەوەی گەیشتە شوێنی كۆنگرەی حزبەكەی لە ویلایەتی كارۆلینای باكور و بڕیارە لە كۆنگرەكەدا وتەیەك پێشكەش بكات.
هەفتەی رابردوش دیموكراتەكانی ئەمریكا بەڕەسمی جۆ بایدن، سەرۆكی پێشوی ئەمریكایان بۆ هەڵبژاردنە سەرۆكایەتییەكەی وڵات كاندیدكرد.