2020-09-06   395     
ماڵپەری سپووتنیک رایگەیاند لە ئەمریکا لە میانی بەڕێوەچوونی ئاهەنگێکی بووک گواستنەوە ١٤٧ کەس تووشی ڤایرۆسی کۆڕۆنا بوونە و ٣ لە تووشبووان گیانی لەدەستدا.
ئاوێنه: بەپێی هەواڵێکی ماڵپەری سپووتنیک-ی رووسی، لە ویلایەتی مەین لە ئەمریکا، دوا بە دوای گێڕانەوەی ئاهەنگی بووک گواستنەوە، ١٤٧ کەسی بەشداربوو لە ئاهەنگەکە تووشی ڤایرۆسی کۆڕۆنا بوونە و ٣ لە تووشبووان گیانی لەدەستدا.
هاوکات لە هەواڵەکەی سپووتنیک ئاماژە بەوەش دراوە کە ئاهەنگەکە بووەتە هۆی بڵاوبوونەوەی ڤایرۆسی کۆڕۆنا لە گرتووخانەیەک و خانەی بەساڵاچووان.
شایەنی باسە لە ئەمریکا سنووری بەشداریکردن لە ئاهەنگێک ٥٠ کەسە، لە ئاهەنگەکەی مەین ئەم سنوورە بەزێندراوە و رێکارەکانی خۆپاراستن لە ڤایرۆسی کۆڕۆنا پێشێڵ کراوە.