پیاوێك لە سەیرانگای كونەماسی خنكا
  2021-04-09       397       

پاشنیوەڕۆی ئەمڕۆ هەینی پیاوێک کە لەگەڵ خێزانەکەی بۆ گەشت چونەتە سەیرانگەی کونەماسی لە ناوچەی شارباژێری سلێمانی، لەکاتی مەلەکردن لە گۆمێکی نزیکی سەیرانگەکە خنکا و هێشتا تەرمەکەی نەدۆزراوەتەوە.

ئاوێنە: عیرفان عەلی، بەڕێوەبەری کارگێڕیی سەنتەری فریاکەوتنی خێرای سلێمانی (122) بە "روداو"ی راگەیاند، لەلایەن دانیشتوانی ناوچەکەوە ئاگادار کراونەتەوە کە پیاوێک لە گۆمێکی نزیک لە کونەماسی خنکاوە و داوای یارمەتیی دەکەن بۆ دۆزینەوەی تەرمەکەی.

هەروەها شاهۆ عوسمان، قایمقامی شارباژێڕ رایگەیاند، تیمی غەواس و پۆلیسیان ناردوەتە شوێنی روداوەکە بۆ دۆزینەوەی تەرمی ئەو پیاوە.

شاهۆ عوسمان وتیشی، دوای دۆزینەوەی تەرمەکەی زانیاریی زیاتر بڵاودەکەنەوە.

سەیرانگەی کونەماسی دەکەوێتە ناوچەی شارباژێڕی سلێمانی و 35 کیلۆمەتر لە سلێمانییەوە.

زۆرترین بینراو
© 2021 Awene Online, Inc. All Rights Reserved.
×