وەزارەتی ناوخۆی حكومەتی هەرێمی كوردستان رایگەیاند، دەسەڵات دەدرێت بە
پارێزگارو سەرپەرشتیارانی ئیدارە سەربەخۆكان بۆ دانانی وردەكاری جێبەجێكردنی
بڕیاری قەدەغەی هاتوچۆی تەواو یان سنوردار لە رۆژانی جەژنی رەمەزاندا.
ئاوێنە: وەزارەتەكە، كەمێك لەمەوبەر راگەیەندراوێكی سەبارەت بە قەدەغەی
هاتوچۆ لە رۆژانی جەژندا بڵاوكردەوە كە سێ بڕیار لە خۆدەگرێت.
دەقی بڕیارەكان:
1.دەسەڵات دەدرێت بە پارێزگارو سەرپەرشتیارانی ئیدارە سەربەخۆكان كاری
پێویست ئەنجام بدەن بە دانانی وردەكاری جێبەجێكردنی بڕیاری قەدەغەی هاتوچۆی تەواو
یان سنوردار بەپێی پێویست و دۆخی تەندروستی.
2.رێگەگرتن لە قەرەباڵغی لە شوێنە گشتییەكان و شوێنە گەشتیارییەكان.
3.قەدەغەی هاتوچۆی نێوان هەرێمی كوردستان و پارێزگاكانی عێراق وەك خۆی
دەمێنێتەوە بەپێی ئەو رێكارانەی كە لە بەیانی ژمارە 15ی ساڵی 2021 دیاری كراون.
