ئیسرائیل چەند پێگەیەكی حزبوڵای لە سوریا بۆردومانكرد
  2021-07-22       285       

ڕوانگەی سوری بۆ مافەكانی مرۆڤ بڵاویكردەوە، بەرەبەیانی ئەمڕۆ پێنج شەممە ئیسرائیل هێرشی موشەكی بۆسەر چەند پێگەیەكی حزبوڵا لە ناوچەی قەسیری سەربە پارێزگای حمس ئەنجامداوە.

بەپێی هەواڵێكی ڕوانگەی سوری بۆ مافەكانی مڕۆڤ، بەرەبەبانی ئەمڕۆ پێنجشەممە، ئیسرائیل چەند پێگەیەكی حزبوڵای لە ناوچەی فڕۆکەخانەی زوبعەی سەربازی و قەسیر ئەنجامداوە و بەهۆیەوە کۆگاکانی چەک و تەقەمەنی بەئامانج گیراوەکان خاپورکراون.

لای خۆیەوە، میدیای فەرمیی سوریا “سانا” بڵاویکردەوە، سیستەمی بەرگری سوریا بەرەنگاری موشەکە ئیسرائیلییەکان بوونەتەوە لە ناوچەی دەوروبەری حمس و زۆربەیان تێکشکێنراون.

باسی لەوەشكردووە، هێرشەكەی ئیسرائیل تەنها زیانی ماددی هەبووە.

هەفتەی ڕابردوو ئیسرائیل هێرشێكی دیكەی بۆسەر گروپەكانی نزیك لە ئێران ئەنجامدا لە حەلەب، كە بەهۆیەوە پێنج چەکدار كوژران.
زۆرترین بینراو
© 2021 Awene Online, Inc. All Rights Reserved.
×