رێكخراوی داعش بەرپرسیارێتی خۆی لە تەقینەوەكانی ئەمڕۆی فڕۆكەخانەی كابوڵ
راگەیاند كە تێیدا دەیان كەس كوژران و برینداربون.
ئاوێنە: بەگوێرەی هەواڵێكی رۆیتەرز، كەناڵی تەلەگرامی ئاژانسی ئەعماقی
سەربە رێكخراوی داعش، بەرپرسیارێتی رێكخراوەكەی لە تەقینەوەكانی ئەمڕۆی فڕۆكەخانەی
كابوڵ راگەیاندوە.
ئاژانسەكەی داعش ئاماژەی بەوەداوە كە كەسێكی خۆكوژ توانیوییەتی خۆی
بگەیەنێتە نێو كۆمەڵێكی زۆر لە وەرگێڕو هاوكارانی سوپای ئەمریكاو سەربازانی ئەو
وڵاتە لەنزیك فڕۆكەخانەی كابوڵ و پشتێنە بۆمبڕێژكراوەكەی لەنێویاندا بتەقێنێتەوە.