نه‌ته‌وه‌یه‌كگرتوه‌كان: شیرین ئه‌بو عه‌قله‌ به‌فیشه‌كی‌ هێزه‌ ئیسرائیلییه‌كان كوژراوه‌
  2022-06-24       228       

كۆمسیۆنی باڵای مافی مرۆڤی نه‌ته‌وه‌یه‌كگرتوه‌كان ئاشكرای‌ ده‌كات كه‌ كۆمسیۆنه‌كه‌یان گه‌یشتوه‌ته‌ ئه‌و ئه‌نجامه‌ی كه‌ شیرین ئه‌بو عه‌قله‌ ڕۆژنامه‌نوسی فه‌ڵه‌ستینی له‌لایه‌ن هێزه‌كانی ئیسرائیله‌وه‌ كوژراوه‌.

ئاوێنه‌: رۆژی 11ی مانگی رابردو رۆژنامه‌نوسی دیاری عه‌ره‌ب‌و په‌یامنێری كه‌ناڵی ئه‌لجه‌زیره‌ له‌ ئیسرائیل  شیرین ئه‌بو عاقیله‌، له‌كاتی روماڵكردنی رۆژنامه‌وانی گه‌مارۆدانی كه‌مپی جنین كوژرا.

رافینا شه‌مدسانی، وته‌بێژی كۆمسیۆنی باڵای مافی مرۆڤی نه‌ته‌وه‌ یه‌كگرتوه‌كان ئه‌مڕۆ هه‌ینی رایگه‌یاند، "هه‌مو ئه‌و زانیاریانه‌ی كه‌ كۆمانكردۆته‌وه‌ له‌نێویان سوپای ئیسرائیل و داواكاری گشتی فه‌ڵه‌ستین، ئه‌و ڕاستییه‌ پشتڕاستده‌كه‌نه‌وه‌ كه‌ ئه‌و فیشه‌كانه‌ی‌ بونه‌ هۆی كوژرانی شیرین ئه‌بو عه‌قڵه‌و برینداركردنی‌ عه‌لی سه‌مودی هاوكاری، له‌لایه‌ن هێزه‌ ئه‌منییه‌كانی ئیسرائیله‌وه‌ ته‌قێندراون، نه‌ك ته‌قه‌ی هه‌ڕه‌مه‌كی له‌لایه‌ن هێزه‌ چه‌كداره‌كانی فه‌ڵه‌ستینه‌وه‌".

زۆرترین بینراو
© 2022 Awene Online, Inc. All Rights Reserved.
×