سهرۆكی كۆمهڵی دادگهریی كوردستان لهگهڵ سەرۆکی رێکخراوی بەدر كۆبوهوه و هەردولا بە پێویستیان زانیی چیدیكه پڕۆسەی پێکهێنانو سەرپێ خستنی حکومەتو دامەزراوەکان دوانەخرێتو لایەنەکان لەپێناو بەرژەوەندیی گشتیی، ئهم چەقبەستویو بارودۆخه ناههموارهی سیاسیی لهعێراق کۆتایی پێبێنن.
ئاوێنە: بهپێی راگهیهندراوێكی سهرۆكی كۆمهڵی دادگهریی كوردستان، ئهمڕۆ سێشهممه عهلی باپیر به سهرۆكایهتی شاندێك له شاری بهغدا سهردانی هادی عامری، سەرۆکی رێکخراوی بەدری كرد و لەکۆبونەوەکەدا باسی دوا پەرەسەندنەکانی پڕۆسەی سیاسیی عێڕاق بهگشتیی کراو گفتوگۆی ڕاشکانەوە کرا لەسەر دیاریی کردنی کاندیدی سەرۆک وەزیرانو ئەگەرەکانی پێکهێنانی حکومەتو سەرلەنوێ داڕشتنەوەی دامەزراوە سیاسییەکان.
لهراگهیهندراوهكهدا هاتوه، هەردولا بە پێویستیان زانیی چیدیكه پڕۆسەی پێکهێنانو سەرپێ خستنی حکومەتو دامەزراوەکان دوانەخرێتو لایەنەکان لەپێناو بەرژەوەندیی گشتیی، ئهم چەقبەستویو بارودۆخه ناههموارهی سیاسیی لهعێراق کۆتایی پێ بیێنن.
ئهوهش خراوهتهڕو، له كۆبونهوهكهدا هاوكات باس لەپتەوکردنی پەیوەندییەکانی هەدولا کراو خاڵە هاوبەشەکان وەک بنەمای پەیوەندیی سیاسیی داهاتو ڕەچاو بکرێتو لەوچوارچێوەیەدا.
دوێنێ دوشەممە سەرکردە و پەرلەمانتارەکانی چوارچێوەی هەماهەنگی لە بەغدا کۆبونەوە و بەکۆی دەنگ محەمەد شیاع سودانییان بۆ پۆستی سەرۆک وەزیرانی داهاتوی عێراق و پێکهێنانی حکومەت کاندید کرد، بهڵام تا ئێستا لایهنه كوردیهكان لهبارهی كاندیدی پۆستی سهرۆك كۆماری عێراق و پشك و بهركهوتهی كورد له بهغدا نهگهیشتونهته رێككهوتن.
كاروان یاروهیس، ئهندامی ئهنجومهنی نوێنهرانی عێراق به خەندان-ی راگهیاند، "کۆتایی ئەم هەفتەیە بۆ سەرەتای هەفتەی داهاتو عێراق پێیدەنێتە قۆناغێکی نویێوە، پرۆسەی سیاسی جوڵەی گەورەی تێدەکەوێ و پرۆسەی هەڵبژاردنی سەرۆک کۆمار و راسپاردنی کاندیدی راسپێردراو بۆ پێکهێنانی حکومەت کۆتایی دێت".