فەرماندەیی ئۆپەراسیۆنە هاوبەشەكان لە كەركوك رایگەیاند، لە تەقینەوەیەكدا لە سنوری ناحیەی "یایچی" سەربە پارێزگای كەركوك، دو منداڵ گیانیان لەدەستداوەو منداڵیكی دیكەش برینداربوە.
ئاوێنە: فەرماندەیی ئۆپەراسیۆنە هاوبەشەكان لە كەركوك لە بەیاننامەیەكدا ئاشكرایكرد، چەند منداڵێك كاتێك خۆڵ و خاشاكیان لە گوندی "عەدلیە" لە سنوری ناحیەی یایچی سەربە پارێزگای كەركوك سوتاندوە، تەنێكی نامۆ كە كە پێدەچێت هی بۆمبێكی سەردەمی شەڕی بێت تەقیوەتەوەو لە ئاكامدا دو منداڵ كوژراون و منداڵێكی دیكەش برینداربوە.
ناحیەی یایچی دەكەوێتە باشوری رۆژئاوای پارێزگای كەركوك.
فەرماندەیی ئۆپەراسیۆنە هاوبەشەكان لە كەركوك ئاماژەی بەوەشداوە كە دەستكراوە بە لێكۆڵینەوە لە روداوەكە.