سێ هاوڵاتی کورد لەلایەن سوپای پاسدارانی ئێرانەوە تەقەیان لێکرا و یەکێکیشیان بەوهۆیەوە گیانیلەدەستدا.
ئاوێنه: شاهۆ عوسمان قائیمقامی قەزای چوارتا رایگەیاند:" ئەمڕۆ هەینی سێ هاوڵاتی بە ناوەکانی رەسوڵ مەحمود و داستان رەسوڵ و مەحمود عەزیز، لە سنووری گوندی چۆمانی رۆژهەڵاتی کوردستان لەلایەن سوپای پاسدارانەوە تەقەیان لێکراوە".
ئاماژەی بەوەشکرد:" هاوڵاتییەکان خەڵکی گوندی مەروێن و بەهۆی تەقەی سوپای پاسدارانەوە یەکێکیان گیانیلەدەستداوە و دووانیشیان بریندار بوون".
باسیلەوەشکرد:" ئەو هاوڵاتییەی کوژراوە ناوی داستان رەسوڵە و کوڕی یەکێک لە بریندارەکان، هەروەها تەمەنی ٣٣ ساڵە، لە ئێستاشدا لێکۆڵینەوە لە رووداوەکە دەستیپێکردووە و بریندارەکانیش گوازراونەتەوە بۆ نەخۆشخانە".