تەندروستی سلێمانی ئامارەكانی نەخۆشخانەی منداڵبونی بۆ مانگی رابردو ئاشكراكردو دەڵێت، لە ماوەی ئەو مانگەدا 911 منداڵ لە نەخۆشخانەكە لە دایكبون.
ئاوێنە: بەپێی ئامارێكی بەڕێوبەرایەتی گشتی تەندروستی سلێمانی لەماوەی مانگی ڕابردودا پێنج هەزارو 870 نەخۆش سەردانی نەخۆشخانەی منداڵبونی فریاكەوتنی فێركاریان كردوەو لەو ژمارەیە هەزارو 134 نەخۆش داخڵ كراون و چارەسەری پێویستیان بۆ كراوە.
ئەوەشی خستۆتەڕو، هەر لە ماوەی مانگی ڕابردودا ۹۱۱ منداڵ لەنەخۆشخانەكە لەدایكبون و ٤۷٥ منداڵیان كوڕ بون و ٤۳٦ منداڵیان كچ بون. ٥۷۱ منداڵیان بەشێوەی سروشتی لەدایكبون و ئەوانی تر لەڕێگەی نەشتەرگەری لەدایكبون.
ئاماژەی بەوەشداوە كە هەر لەو مانگەدا لە نەخۆشخانەكە ٦٥٤ منداڵ لەبەشی نەبەكام داخڵ كراون و شەش حاڵەتی لەدایكبونی دوانەو هەزارو 446 سۆنەریش گیراوە.