شاخەوان عەبدوڵڵا جێگری دووەمی سەرۆكی پەرلەمانی عیراق ، رەتیدەكاتەوە، هێزی سوپای عیراق بچنە سەر سنورەكانی هەرێمی كوردستان و دەڵێت، ئەو هێزەی سنورەكان دەپارێزن زۆرینەیان كوردن.
ئاوێنە: شاخەوان عەبدوڵڵا لە لێدوانێكی تەلەفزیۆنیدا وتویەتی، هیچ هێزێكی سوپای عیراق ناچێتە هێڵی سنوری هەرێمی كوردستان و ئەو ئەركە بە هێزی سنوری ناوچەی یەك دەسپێردرێت.
ئەوەشی ئاشكرا كردووە، هێزەكە زۆربەیان كوردن و سەر بە عیراقن، فەرماندەییەكەیان لە هەولێرە و لایەنی عیراقیش رەزامەندی داوە.
سەبارەت بە پرۆژە یاسای بودجە جێگری دووەمی سەرۆكی پەرلەمانی عیراق وتویەتی، پێویستە هەرێمی كوردستان لە ئامادەكردنی بەشدار بێت، لیژنەیەكیش بۆ ئامادەكردنی پرۆژە یاسای نەوت و غاز پێكهێنراوە و بە تەشریعكردنی زۆرێك لە كێشەكانی نێوان هەولێر و بەغدا چارەسەر دەبن.