ئێوارەی ئەمڕۆ چوارشەممە، دانیشتنی نائاسایی پەرلەمانی عێراق دەستیپێكردو لە دانیشتنەكەدا دەنگ درا لەسەر دواخستنی بڕگەی هەڵبژاردنی سەرۆكی نوێی پەرلەمان.
ئاوێنە: بەپێی راگەیەندراوێكی فەرمانگەی راگەیاندنی پەرلەمانی عێراق، ئێوارەی ئەمڕۆ چوارشەممە، دانیشتنی نائاسایی پەرلەمانی عێراق بە سەرۆكایەتی موحسین مەندەلاوی، جێگری یەكەمی سەرۆكی پەرلەمان و بە ئامادەبونی 180 پەرلەمانتار دەستیپێكردوە.
دانیشتنەكەی پەرلەمانی عێراق لە دو بڕگە پێكهاتبو، یەكێكیان كردنەوەی دەرگای خۆپاڵاوتن بو بە هەڵبژاردنی سەرۆكی نوێی پەرلەمان و دوەمیشیان دەنگدان بو بە هەمواری یاسای كۆمسیۆنی باڵای سەربەخۆی هەڵبژاردنەكان.
بەڵام بەپێی میدیای رەسمی عێراق، پەرلەمانی عێراق دەنگیداوە لەسەر دواخستنی هەڵبژاردنی سەرۆكی نوێی پەرلەمان.