سەركردەیەكی بەعس واباسی مفاوەزاتی یەكێتی‌و به‌عس دەكات

محەمەد نوری
  2019-07-19     1138
لیوا مەحمود شوكر شاهین، كە یەكێكە لەسەركردە عەسكەرییەكان لەسەردەمی بەعس‌و چەندین پۆستی جوار وجۆری وەرگرتوە، لەوانە: سەرۆك ئەركانی فەیلەق وبەڕێوەبەری گشتی پۆلیسی عێراق‌و پارێزگاری كوت وسەرپەرشتیاری یەكەی هەواڵگیری باكور.لەیاداشتەكانیدا كەبەناوی لاپەڕەكانی سەربازێكی عێراقییە باس لەگفتوگۆی نێوان حكومەتی عێراق‌و یەكێتی نیشتیمانی دەكات كە لەساڵی ١٩٨٤ ئەنجامدراو بێ ئەنجام بو، ئەم لیوا مەحمودە خۆشی بەشداری گفتوگۆكانی كردوە بەڵام وەك سەركردەیەكی سەربازیی سێبەر. با كەمێك ئەو لاپەڕانە هەڵبدەینەوە 

شێخی چوێسە كە هاوڕییەتیمان لەگەڵداهەبوو یەكێك بو لەشێخەكانی تەریقەتێكی سۆفیگەری پێیوتم: بەحكومەتی عێراقی بڵێ كە دێیەكان بوردمان نەكات واباشترە گفتوگۆ لەگەڵ حزبە كوردییەكان بكات، ئەو پێشنیاری تاڵەبانی بۆكردم، كە پەیامەكەیم گەیاند بەسەركردایەتی باڵا، پێیان وتم: ئەو شێخە نزیكە لەتاڵەبانییەوە..
بەڵام دواتریش هەر دانیشتن رویدا.

كاتێك وەفدی عێراقی بەسەرۆكایەتی عزەت دوری بەوەفدی یەكێتی گەیشت ،وەفدەكە پێیان وتن كە مەسەلەی كەركوك خەتی سورەو هەرباسبكرێت ئێمە رازی نابین، تاڵەبانیش بەوەفدەكەی وتوبو لای ئێمەش كەركوك هێڵی سورە.

من سەردانی سورداشم كرد لەلایەن نەوشیروانەوە بینرام، هەستمكرد جەماعەتی یەكێتی ئەم دانوستانە تەنها بۆ سودوەرگرتن لەكات دەیكەن، بۆیە خۆیان ئامادەبكەنەوە.

لەخێمەكەی لەسورداش تاڵەبانی زۆربەی نهێنییە عەسكەرییەكانی فەیلەقی یەكی دەزانی، بۆمان دەركەوت كە خەڵكانێكی زۆریان هەیە هاوكارییان دەكات بەزانیاریی.

گەرمەی ناكۆكی وشەڕی یەكێتی وپارتی بو بەڵام لەدانوستانەكاندا تاڵەبانی بەهیچ شێوەیەك بەخراپی باسی بارزانییەكانی نەدەكرد، بەڵكو وەسفیشی دەكردن.

داوامان لەتاڵەبانی كرد كەدەستبەرداری پەیوەندییەنیودەڵەتییەكانی بێت (چونكە دەمانزانی پەیوەندی ودۆستایەتی زۆری هەیە)بەڵام بەو مەرجەرازی نەبوو.


ئەم یاداشتانە گرنگن چونكە لەسەركردەیەكی عەسكەرییەوە دەردەبڕێت كە خۆی لەسەرزەمێنی روداوەكان بوە ،باسكردنی بۆ ستایشی كەس نییە بەڵكو من بەڵێنم داوە كە كتێبە گرنگەكان كورت كورتبكەمەوە.
زۆرترین بینراو
© 2018 Awene Online, Inc. All Rights Reserved.
×