ئەمڕۆ هەینی، نرخی نەوت بەردەوام بو لە بەرزبونەوە ئەوەش لە سایەی بەردەوامی شەڕ لە كەرتی غەززەو بەرزبونەوەی ئاستی خواست لەسەر نەوت لە چین و ئەمریكا.
ئاوێنە: لە ئێستادا نرخی یەك بەرمیل نەوتی خاوی برێنت بە 84 دۆلارو 10 سەنت و نرخی یەك بەرمیل نەوتی تەكساس بە 79 دۆلارو 55 سەنت مامەڵەی پێوەدەكرێت.
بەوەش ئەمڕۆ نرخی نەوتی خاوی برێنت نزیكەی 50 سەنت و نرخی نەوتی تەكساس نزیكەی 65 سەنت بەرزبۆتەوە.
هۆكاری بەرزبونەوەی نرخی نەوت بۆ ئەوە دەگەڕێتەوە كە ئاستی نەوتی خاوی كۆگاكراوی ئەمریكا بەهۆی بەكارهێنانەوە كەمبۆتەوەو خواست لەسەر هاوردەكردن زیادیكردوە، هەروەها داتاكان، دوێنێ پێنجشەممە نیشانیان دا كە هاوردەی چین بۆ نەوت لە مانگی نیساندا بەراورد بە مانگی پێشتر بەرزبۆتەوە كە ئەوەش هاوكاتە لەگەڵ ئەوەی كە دانوستانەكان بۆ راگرتنی شەڕ لە غەززە هیچ ئەنجامێكیان نەبوە.