ئەندامێکی ئەنجومەنی نوێنەرانی عێراق ڕایدەگەیەنێت، ئەنجومەنی نوێنەران ئامادەکاری دەکات بۆ پێداچوونەوە بە یاسای پشووە فەرمییەکان بە ئامانجی کەمکردنەوەیان.
ئاوێنە: نیهال شەمەری، ئەندامی ئەنجومەنی نوێنەرانی عێراق بە رۆژنامەی سەباحی راگەیاند، دەستپێشخەرییەکەی ئەنجومەنی نوێنەران پاش پێکهێنانی لیژنەکانی ئەنجومەنی نوێنەران دەخرێتەڕوو، بەتایبەتی لیژنەی ئەوقاف و کاروباری ئایینی کە بەرپرسیارە لە هەموارکردنەوەی یاسای تایبەت بە پشووە رەسمییەکانی پەیوەست بە بۆنە ئایینییەکان.
ئاماژەی بەوەشکردووە، ئامانج لە هەموارکردنەوەی یاساکە رێکخستنەوەی رۆژانی دەوامی رەسمییە چونکە زۆریی پشووەکان کاریگەریی لەسەر ژیانی هاووڵاتییان و کارکردنی دامودەزگاکانی دەوڵەت هەیە.