وەزیری نەوتی عێراق ئاشکرایکرد، بۆ هەناردەکردنی نەوتی وڵاتەکەی پشت بەهێڵی گواستنەوەی نەوتی کەرکووک- تورکیا دەبەستن، بەبێ ئەوەی نەوتەکە بە هەرێمی کوردستاندا تێپەڕببێت.

ئاوێنە: حەیان عەبدولغەنی وەزیری نەوتی عێراق سەبارەت بە هەناردەکردنی نەوت بۆ ڕۆژنامەنووسان دوای و ئاشکرای کرد ڕێگایەکی دیکەیان دۆزیووەتەوە و پێویستیان بە هەرێم نابێت.

وەزیری نەوتی عێراق ڕایگەیاند، لە دوای داخستنی گەرووی هورمز  پەنا بۆ ڕێگەیەکی تر دەبات بۆ ئەوەی نەوت هەناردەی تورکیا بکات، ئەویش ڕێگەی هێڵی گواستنەوەی کەرکووک-تورکیا یە کە لە ماوەی هەفتەیەکدا کارەکانی تەواو دەبێت و ئەوەش وادەکات نەوتەکە بە هەرێمی کوردستاندا تێپەڕ نەبێت.

وەزیری نەوتی عێراق ئاماژەی بەوەشکرد، پێشتر عیراق ڕۆژانە بڕی ٣.٤ ملیۆن بەرمیل نەوتی خاوی لە ڕێگەی بەندەرەکانی باشوورەوە هەناردە دەکرد، بەڵام دوای داخستنی گەرووی هورمز ئاستی بەرهەمهێنانی نەوت کەمیکردوەو لەئێستا ڕۆژانە بڕی ١.٥ بۆ١.٦ ملیۆن بەرمیل نەوت بەرهەم دەهێنرێت.

حەیان عەبدولغەنی ڕوونیشیکردەوە، پاڵاوگەکانی عێراق ڕۆژانە لەنێوان ١٤٠٠ بۆ ١٥٠٠ تۆن LPG بەرهەمدەهێنن، هەروەها ٤٠٠ بۆ ٥٠٠ تۆن غاز لە باکوورەوە بەرهەمدەهێنن، دەشڵێت: بەکارهێنانی ڕۆژانەی غازی چێشتلێنان نزیکەی ٦ هەزار تۆنە، لەکاتێکدا کۆمپانیای غازی باشوور بە هاوکاری لەگەڵ شێڵ، چوار هەزار تۆنی دیکە بەرهەمدەهێنێت.