بڕیاره كۆتایی هه‌فته‌ی داهاتو وه‌فدی ئیمرالیی ده‌م پارتی سه‌ردانی عه‌بدوڵا ئۆجه‌لان له دورگه‌ی ئیمرالی بكات.
ئاوێنه: ئاژانسی میزۆپۆتامیا بڵاویكرده‌وه، بڕیاره رۆژی پێنجشه‌ممه 23ی ته‌مموز، وه‌فدی ئیمرالیی ده‌م پارتی سه‌ردانی دورگه‌ی ئیمرالی بكات و له‌گه‌ڵ عه‌بدوڵا ئۆجه‌لان كۆببێته‌وه.
وه‌فدی ئیمرالیی ده‌م پارتی كه لە پەرلەمانتاران پەروین بوڵدان، مەدحەت سەنجەر و پارێزەر فایەق ئۆزگور ئەرۆڵ پێكهاتوه، چاوه‌ڕوان ده‌كرێت له دیداره‌كه‌یدا له‌گه‌ڵ ئۆجه‌لان تاوتوێی پڕۆژه یاساكه‌ی په‌رله‌مانی توركیا له‌باره‌ی پڕۆسه‌ی چاره‌سه‌ری بكه‌ن.
وه‌فدی ئیمرالیی ده‌م پارتی، له‌دوای ئه‌وه‌ی له دو رۆژی رابردودا به جیا له‌گه‌ڵ وه‌فدی ئاكه‌په و ده‌وڵه‌ت باخچه‌لی، سه‌رۆكی مه‌هه‌په‌دا كۆبونه‌وه، دوێنێ له راگه‌یه‌ندراوێكدا وتی، پێویستە گفتوگۆ بكرێت له‌سه‌ر یاسای چوارچێوەو بۆ ئەوەی یاساكه وەڵامدەرەوەی چاوەڕوانییەکانی کۆمەڵگە بێت، دانوستانەکانمان لەم بارەیەوە بەردەوام دەبن.
وه‌فدی ئیمرالیی دەم پارتی، وتیشی، دوای ئەم كۆبونه‌وانه، ئامانجمان ئەوەیە کە دەستبەجێ بچینە دورگەی ئیمرالی و لەگەڵ عەبدوڵا ئۆجه‌لاندا دیدار ئه‌نجام بده‌ین.
علم أن وفد الحزب الديمقراطي الديمقراطي في إمرالي سيلتقي بقائد الشعب الكردي عبد الله أوجلان في جزيرة إمرالي في 23 تموز/يوليو.