كۆمپانیای سۆمۆ ئامادەیی نیشاندا بۆ فڕۆشتنی نەوتی عێراق لە دەرەوەی گەرووی هورمز و لەڕێگەی بەندەرەكانی عوممانەوە.
ئاوێنە: ماڵپەڕی بلومبێرگ بە پشتبەشتن بە چەند نووسراوێكی كۆمپانیای سۆمۆ بۆ بە بازاڕكردنی نەوتی عێراق، رایگەیاندووە "كۆمپانیای سۆمۆ ئامادەیی نیشانداوە بۆ فڕۆشتنی نەوتی عێراق لەڕێگەی بەندەرەكانی عوممانەوە".
ئاماژەی بەوەشدا، بۆ یەكەمجارە لەدوای هەڵگیرسانی جەنگی ئەمریكا و ئێرانەوە، عێراق ئامادەیی نیشاندەدات بۆ فرۆشتنی نەوتەكەی لە دەرەوەی گەرووی هورمز و لەڕێگەی بەندەرەكانی عوممانەوە.
ئەوەش لەكاتێكدایە، ئێران لەبەرانبەر تێپەڕبوونی كەشتییە بارهەڵگرەكانی عێراق بە گەرووی هورمزدا، داوادەكات عێراق قەرزەكانی لەو وڵاتە پاكتاو بكات كە نزیكەی 12 ملیار دۆلارە و خۆی لە قەرزی غاز و كارەبادا دەبینێتەوە.