دوای حەوت ساڵ لە زیندانیکردن، هاوسەرۆکی پێشووی شارەوانیی ئامەد سەلچوق مزراکلی لە زیندانی ئەدرنە ئازادکرا.
ئاوێنە: ئاژانسی هەواڵی ANF، هاوسەرۆکی شارەوانیی شاری ئامەد سەلچوق مزراکلی دوای دەستبەسەربوونی بۆ ماوەی حەوت ساڵ، ئازادکرا و پێشوازیی لێکرا.
سەلجوق مزراکلی لە زیندانی ئەدرنە ڕاگیرابوو، دوای تەواوکردنی ڕێکارەکانی ئازادکردن، لە زیندان هاتە دەرەوە و لەلایەن بنەماڵەکەی و هاووڵاتیانەوە پێشوازییەکی مەزنی لێکرا.
جەماوەری گەل کە سەرلەبەیانی لە بەردەم زیندانەکە کۆبوونەوە، پانکارتەکانی "سەلچوق مزراکلی بەخێربێیتەوە"، "ئازادی خێردار بێت هەڤاڵ"، "ئازادی بە نیوەناچڵ نابێت، ئازادی بۆ دەمیرتاش"، "ئازادیی مزراکلی مایەی دڵخۆشیمانە، مانەوەی دەمیرتاش مایەی نیگەرانیمانە"یان بەرزکردەوە.