پشتێ 67 حالەتیێن گومانلیكری یێن ئەنفلونزا وەرزێ ل دهۆكێ هاتینە تۆماركرن و پشكنینن تاقیگەهێ بۆ وان هاتینە كرن دیار بوو24 حالەت ئەنفلونزایە ژوانا ژی 3 حالەتان گیانێ خوە ژ دەست داینە و ئێك ژی خەلكێ دهوكێ ل هەولێر گیانی خوە ژدەستدایە.
ئاوێنە، وارهێل نێروەی: د. سەكڤان حەسەن، بەرپرسێ ئێشین ڤەگر ل رێڤەبەریا خوە پاراستنا ساخلەمیا دهۆكێ بۆ "ئاوێنە" دیاركر: ئەڤ نەخوشیە ئەنفلونزا وەرزی سالانەیە ل هەموو جیهانێ هەیە، ئەڤ جورە بیت ساناهی دهێتە چارەسەر كرن، لێ هندەك حالەت گەلەك دژوار دبن پێدڤی ب چاڤدێریا نوشداری هەیە نێزیكی دوو حەفتیان چارەسەری بۆ دهێتە دان.
گوت ژی: ئەو نەخوشین نوكە ل دهوكێ هەین پرانیا وان 99% هەمی هاتینە كونترول كرن و ئەو كەسێن نەخوش ژی رەوشا ساخلەمیا وان باشە بۆ مال هاتینە رەوانەكرن.
ناڤهاتی گوت ژی: دوو جۆرێن ڤایرۆسی A ێ نە رێژا مرنێ ب ڤێ ڤایرۆسی ل هەموو دونیایی رەنگە كەسەك یان دوو كەس سەرجەمێ هزار كەسان گیانی خوە ژدەست بدەن ئەو ژی كەسێن بەرگیریا لەشێ وان لاواز یان تەمەنێ وان مەزن یان زارۆكیێن ساڤا بن دەمێ تووشی ئەنفلونزا بن ئەڤە رەنگە تووشی ئاریشین سینگ كولبوونی یان نەخۆشیا سلێ بۆ وان چێ بیت ئەڤە بیتە ئەگەری تێكدانا رەوشا ساخلەمیا نەخوشی ئەگەرێن مەترسیێ زێدەتر لێ دهێت.
بەرپرسێ ئێشین ڤەگر ل رێڤەبەریا كاروبارێن خوە پاراستنا ساخلەمیا دهۆكێ ئاماژە كر: هەر حالەتەكێ دژوار هەكە پەیدا بیت ل نەخۆشخانێ دهێتە نڤاندن و پەیوەندی ب رێڤەبەریا خوە پاراستنا ساخلەمیێ دهێتە كرن راستەخۆ كارێن پێدڤی ژ دەرمان وچارەسەری بۆ دهێتە كرن.
ئاشكرا ژی كر: هەر نەخوشەكێ نموونە ژ دهێنە وەرگرتن وهەموو پیرابوونیێن نۆشداری دهێنە وەرگرتن بۆ پاراستنا ژیانا وێ نەخۆشی وهندەك ژ نەخۆشان ئاریشین دێ یێن ساخلەمیێ هەنە هەكە رەوشا كەسەكێ تیك بچیت رەنگە نەبتنی ئەنفلونزا بیت بەلكو ئاریشێن دێ یێن ساخلەمیێ بن .
ل دوماهیێ ژی گوت: هەموو سالان ئەنفلونزا هەیە هندەك حالەت دژواربن ل نەخۆشخانێ دهێنە نڤاندن وهندەك ژی دژوار نابن لێ ب شیوەیەكێ گشتی رەوش ل دهۆكێ بن كونترول دایە و ڤاكسین هەیە و دەرمانی ژی دابینكریە نەخۆشخانیێن دهۆكێ هەموو بكارێ خوە رابن و خزمەتێ دكەت.