2020-06-17   472     
وتەبێژی وەزارەتی گواستنەوەی عێراق، فەتومە موسەوی، “وەزیری گواستنەوە، ناسر حسێن بەندەر، تووشووی ڤایرۆسی كۆرۆنای نوێ (COVID-19)، نەبووە و ئەو دەنگۆیەی لەوبارەیەوە بڵاوکراوەتەوە، دوورە لە راستییەوە”.
ئاوێنه: وتەبێژی وەزارەتی گواستنەوەی عێراق، فەتومە موسەوی لە راگەیەنراوێکدا ئاماژەی بەوەداوە، وەزیری گواستنەوە، ناسر حوسێن بەندەر، تووشووی ڤایرۆسی كۆرۆنا، نەبووە و ئەو دەنگۆیەیش کە لەوبارەیەوە بڵاوکراوەتەوە، دوورە لە راستییەوە.,
باسی لەوەشکردووە کە راستییەکە ئەوەیە، یەکێک لە ئەندامانی خێزانەکەی ناسر حسێن بەندەر، تووشووی ڤایرۆسی كۆرۆنا بووە و لەئێستادا لە ناوەندێکی کەرەنتین چارەسەر وەردەگرێت.
پێشتر سەرچاوەیەک لە وەزارەتی گواستنەوەی عێراق راگەیاندبوو ناسر حوسێن بەندەر و هاوسەرەكەی تووشی ڤایرۆسی كۆرۆنای نوێ بوون.
بەپێی دوایین ئامارەكانی وەزارەتی تەندروستیی و ژینگەی عێراق تا ئێستا ٢٢ هەزار و ٧٠٠ كەس لەو وڵاتە تووشی ڤایرۆسی كۆرۆنا بوون و لەو ژمارەیەیش ٧١٢یان گیانیان لەدەستداوە و نۆ هەزار و ٨٦٢ی كەسی دیكەیش چاكبوونەتەوە.