2020-06-17   819     
سەركردەیەكی رەوتی سەدر ڕایدەگەیەنێت: ئامانج لە هێرشەكانی توركیا داگیركردنی بەشێك لە خاكی عیراقە.
ئاوێنه: حاكم زاملی سەركردە لە ڕەوتی سەدر لە جریوەیەكدا لە تۆڕی كۆمەڵایەتی تویتەر نووسیویەتی:”دەستدرێژییە بەردەوامەكانی توركیا بۆسەر خاكی عیراق، بە پاساوی هەبوونی بنكە و بارەگاكانی پارتی كرێكارانی كوردستان تەنها بیانووە”.
حاكم زاملی ئاماژەی بەوەشكردووە: توركیا بەمەبەستی كۆنتڕۆڵكردنی بەشێك لە خاكی عیراق ئەو پاساوە دەهێنێتەوە، وەك چۆن لە هەریەك لە وڵاتانی سوریا و لیبیا ئەو كارە دەكات”.
ئەم هەڵوێستەی حاكم زاملی سەركردە لە ڕەوتی سەدر لە كاتێكدایە، درەنگانی شەوی سێ شەممە توركیا هێرشی زەمینی بۆ سەر ناوچەی حەفتانین لە پارێزگای دهۆك دەستپێكرد.