بەڕێوەبەرایەتی
پۆلیسی دارستان و ژینگەی پارێزگای سلێمانی، ئەمڕۆ هەینی رایگەیاند: لە سنوری
ناحیەی سیتەكە زیاتر لە 500 دۆنم پوش و پاوان سوتاوە بەڵام دواتر توانراوە ئاگرەكە
كۆنترۆڵ بكرێت.
ئاوێنە: بەڕێوەبەرایەتی
پۆلیسی دارستان و ژینگەی پارێزگای سلێمانی، لە راگەیەندراوێكدا ئاشكرایكرد: لە
سنوری گوندەکانی (گەڕەدێ، تەگەران)ی سەربە ناحیەی سیتەك بە هۆکارێکی نادیار ئاگر لە
پوش و پاوان و دارستانی سنورەکە کەوتەوە.
ئەوەشی
خستۆتەڕو: بەهۆی خێرایی ڕەشەباوە ئاگرەکە تەشەنەی سەندو بوە هۆی سوتانی نزیکەی (٥٥٠)
دۆنم لە پوش و پاوان و داری سروشتی.
ئاماژەی
بەوەشداوە كە مەفرەزەکانی بنکەی پۆلیسی دارستانی سیتەك خۆیان گەیاندە شوێنی ئاگرەکەو
بەهاوکاری لەگەڵ بنکەی ئاگرکوژێنەوەی سیتەك دوای هەوڵ و ماندوبونێکی زۆر توانیان
ئاگرەکە بکوژێنەوەو کۆنتڕۆڵی بکەن.
