2020-08-06 424
پسپۆڕێکی کەشناسێکی عێراق رایگەیاند، بە گوێرەی پێشبینییەکانی کەشناسی تا ناوەڕاستی هەفتەی داهاتو پلەکانی گەرما بە نزمی دەمێننەوە و تا ناوەڕاستی مانگی ئابیش پلەکانی گەرما لە ئاستێکی ئاساییدا دەبن، هەروەها لەناوچە شاخاوییەکانی هەرێمی کوردستان پێشبینی نمەباران دەکرێت.
ئاوێنه: سادق عەتیە، پسپۆڕی کەشناسێکی عێراق لە پەڕەی فەرمی خۆی لە فەیسبوک باسی لەوەکردوە، لە کۆتایی ئەم هەفتەیەوە پلەکانی گەرما بەشێوەیەکی گشتی دابەزین تۆماردەکەن و تا ناوەڕاستی هەفتەی داهاتو بەردەوام دەبێت، هەروەها پێشبینی ناکرێت تا ناوەڕاستی مانگی ئاب شەپۆلی دیکە گەرما عێراق بگرێتەوە.
ئاماژەی بەوەشکردوە، ئەمڕۆ پێنجشەممە لەناوچە شاخاوییەکان و بەشێک لە شارەکانی هەرێمی کوردستان پێشبینی باراینی نمەنباران دەکرێت.
پێشوتریش فازڵ ئیبراهیم، بەڕێوەبەری کەشناسی و بومەلەرزەزانی هەرێمی کوردستان بە خەندان-ی راگەیاندبو، دوای ئەوەی پلەکانی گەرما لەشارەکانی هەرێم و عێراق گەیشتە سەرو 50 سیلیزی و تا کۆتایی مانگی تەمموز بەردەوام بو، پێشبینی دەکرێت دوای جەژنی قوربان پلەکانی گەرما بگەڕێتەوە دۆخی ئاسایی.