2020-08-23   616     
ماڵپەڕی Axios رایگەیاندوە کە جێرد کوشنەر، گەورە راوێژکار و زاوای دۆناڵد ترەمپ لە هەوڵی ئەوە دایە لە سەرەتای مانگی ئەیلول سەردانی سعودیە و بەحرێن و عومان بکات بۆ نزیککردنەوەی ئەو ٣ وڵاتە عەرەبییە لە ئیسرائیل وەکو ئیمارات.
ئاوێنە: بەپێی هەواڵێکی ماڵپەڕی Axiosy-ی ئەمریکی، بڕیار وایە لە سەرەتای مانگی ئەیلول جێرد کوشنەر، گەورە راوێژکار و زاوای سەرۆکی ئەمریکا دۆناڵد ترەمپ گەشتێک بۆ ٣ وڵاتی عەرەبی پکات لەپێناو نزیککردنەوەیان لەگەڵ ئیسرائیل وەکو ئەوەی ئیمارات کردی، بەپێی هەواڵەکە وڵاتە عەرەبییەکان بریتین لە سعودیە و بەحرێن و عومان.
ماڵپەڕەکە هەواڵی سەردانەکەی لە سەرچاوەیەکی ئیسرائیلی و عەرەبی وەرگرتووە و ئاماژە بەوەش دراوە کە لەو گەشتەدا ئەڤی بیرکۆڤیتز بەرپرسی باڵای کۆشکی سپی بۆ دانوستاندنە نێودەوڵەتییەکان یاوەری کوشنەر دەبێت و سەردانەکە لە قودسەوە دەستپێدەکات.
پێشتر ئیمارات رێککەوتننامەی هێورکردنەوە و ئاسایکردنەوەی پەیوەندییەکانی لەگەڵ ئیرائیل واژووکردبوو.