2020-09-17   814     
مستەفا کازمی سەرۆک وەزیرانی عیراق لەبارەى کوژرانی خێزانە کوردەکە لەبەغداد پەیامێکی لەتۆڕی کۆمەڵایەتی تویتەر بڵاوکردەوە.
ئاوێنه: لەو پەیامەیدا کازمی ئاماژەى بەئەوەدا، لەگەڵ هێزە ئەمنییە پاڵەوانەکان، توانییان سەرپەرشتی لێکۆڵینەوە لە تاوانێکی قێزەوەن بکەن، کە خێزانێکی عیراقی لە بەغداد کوژرابوون.
ئاماژەى بەئەوەشدا، سوپاسی سەرۆکی حکومەتی هەرێمی کوردستان و هێزە ئەمنییەکانی هەرێم دەکەم بۆ ئەو هاوکارییە بەرهەمدارەیان لەگەڵ هێزە ئەمنییە فیدڕاڵییەکان بۆ گەیشتن بە تاوانبارەکە لەکاتێکی کەمدا.
ئەمە لەکاتێکدایە شەوی ڕابردوو لەلایەن کەسێکەوە خێزانێکی سێ کەسی لەبەغداد کوژران، کە مەبەست لەئەنجامدانی تاوانەکە دزیکردن بووە.پاش ڕووداوەکە تۆمەتباری سەرەکی لەشاری هەولێر دەستگیرکرا و ئەمشەو ڕەوانەى بەغداد کرایەوە.