وەزیری کشتوکاڵ: خۆپیشاندانی جوتیاران سیاسییە
  2020-09-24       770       
وەزیری کشتوکاڵی هەرێم ڕایگەیاند خۆپیشاندانی خۆپیشاندانەکە سیاسییە و جوتیارەکان شتی شەخسیان پێ وتووە.
.

ئاوێنە: بەیانی ئەمڕۆ ژمارەیەک جوتیار چونە بەردەم وەزارەتی کشتوکاڵ و دژی هاوردەکردنی پەتاتە لە وڵاتانەوە بەرهەمەکانیان لەبەردەم وەزارەت فڕیدا و بێگەرد تاڵەبانیش چووە ناو خۆپیشاندانەکەوە.

وەزیری کشتوکاڵ ڕایگەیاند پاراستنی مەرزەکان بە دەست من نیە،بەس پاراستنی عەلوە و بازاڕەکان بەدەست منە بۆیە تا ئێستاش پەتاتەی هاوردە دێتە ناو هەرێمەوە.

وتیشی ئەمڕۆ نوسراو بۆ داواکاری گشتی دەکات بۆ ئەوەی ئیجرائات بکەن، چونکە بەشێک لە مەرزەکان پابەندی بڕیارەکان نابن و رێگە بە هاوردەکردنی پەتاتە دەدەن.

بێگەرد تاڵەبانی بەجوتیارەکانی وت بچنە بەردەم داواکاری گشتی و وەزارەتی ناوخۆ و دارایی چونکە مەرزەکان لای ئەوانە.

دواتر بەهۆی دەمەقاڵیەوە وەزیری کشتوکاڵ خۆپیشاندانەکەی جێهێشت و ڕایگەیاند خۆپیشاندانەکە سیاسییە و جوتیارەکان شتی شەخسیان پێ وتووە.

وتیشی ئەو پشتگیری داواکاری ئەوان دەکات و ئامادەیی دەربڕیووە نوێنەرەکانیان ببینێت بۆ ئەوەی کێشەکە چارەسەربکەن بەڵام جوتیارەکان گوێیان نەگرتووە.
زۆرترین بینراو
© 2024 Awene Online, Inc. All Rights Reserved.
×