ئه‌حمه‌د سه‌فار: دابه‌زاندنی نرخی دینار ده‌بێته‌ هۆی نزمبوونه‌وه‌ی موچه‌ به‌شێوه‌یه‌كی ناڕاسته‌وخۆ
  2020-12-23       383       

بڕیارده‌ری لیژنه‌ی دارایی له‌ ئه‌نجومه‌نی نوێنه‌رانی عێراق رایده‌گه‌ێنێت،ئه‌گه‌ر پێویست بێ مووچه‌ كه‌مبكرێته‌وه‌، ده‌بێ ئه‌وانه‌ بگرێته‌وه‌ كه‌پله‌ی تایبه‌ت و باڵایان هه‌یه‌،نه‌ك ئه‌وانه‌ی داهاتیان مامناوه‌ند و سنوورداره‌.

ئاوێنه‌: ئه‌حمه‌د سه‌فار،بڕیارده‌ری لیژنه‌ی دارایی له‌ ئه‌نجومه‌نی نوێنه‌رانی عێراق بەئاژنسی هەواڵی زاگرۆسی راگەیاند: گۆڕانكاری له‌نرخی دیناری عێراقی،ده‌بێته‌ هۆی نزمبوونه‌وه‌ی ناڕاسته‌وخۆی داهاتی تاك،چونكه‌ گۆڕینی نرخی خه‌رجكردنی دینار،ده‌بێته‌ هۆی نزمبوونه‌وه‌ی مووچه‌ به‌شێوه‌یه‌كی ناراسته‌وخۆ ،ئه‌مه‌ش به‌هۆی به‌رزبوونه‌وه‌ی نرخه‌كان هه‌ڵاوسان له‌بازار دروست ده‌كات و مووچه‌ی فه‌رمانبه‌ر به‌های پێشتری له‌ده‌ست ده‌دات.

ئەحمەد سەفار وتی: ئه‌گه‌ر پێویست بێ مووچه‌ كه‌مبكرێته‌وه‌، ده‌بێ ئه‌وانه‌ بگرێته‌وه‌ كه‌پله‌ی تایبه‌ت و باڵایان هه‌یه‌،نه‌ك ئه‌وانه‌ی داهاتیان مامناوه‌ند و سنوورداره‌.

ئه‌حمه‌د سه‌فار،بڕیارده‌ری لیژنه‌ی دارایی له‌ ئه‌نجومه‌نی نوێنه‌رانی عێراق  ئەوەشی بۆئاژنسی هەواڵی زاگرۆسی خستەروو گووتی: شایانی باسه‌ پڕۆژه‌ یاسای بوددجه‌ی ساڵی دارایی ۲۰۲۱ به‌مه‌به‌ستی په‌سندكردنی ره‌وانه‌ی ئه‌نجومه‌نی نوێنه‌رانی عێراق كراوه‌.


زۆرترین بینراو
© 2021 Awene Online, Inc. All Rights Reserved.
×