نرخی نەوتی برێنت لە بازاڕەكانی جیهان لە 55 دۆلار نزیك دەبێتەوە ئەوەش دوای بەڵێنەكەی سعودیە دێت بۆ كەمكردنەوەی زیاتری هەناردەی نەوتی وڵاتەكەی.
ئاوێنە: ئەمڕۆ هەینی نرخی نەوت لە بازاڕەكانی جیهان بەرزبونەوەی بەخۆیەوە بینی، بەشێوەیەك نرخی یەك بەرمیل نەوتی برێنێت لە بازاڕەكانی جیهان گەیشتە 54.51 دۆلار و نرخی یەك بەرمیل نەوتی تەكساسیش بە 50.97 دۆلار مامەڵەی پێوەكرا.
بەپێی رۆیتەرز بڕیارەكەی سعودیە بۆ كەمكردنەوەی هەناردەی نەوتی وڵاتەكەی بەشێوەیەكی خۆبەخشانە، پشتیوانی نرخی نەوتی لە بازارەكاندا كردوە.
لەم هەفتەیەدا، سعودیە كە یەكێكە لە گەورەترین سەرچاوەكانی نەوتی جیهان، رایگەیاند، لە مانگی شوبات و مارسی ئەمساڵدا رۆژانە بەرهەمهێنان و هەناردەكردنی یەك ملیۆن بەرمیل نەوتی دیكە كەمدەكاتەوە.