توركیا؛ 22 هاوڵاتی عێراقی بەتۆمەتی ئەندامبون لە داعش دەستگیركران
  2021-03-26       324       

ئەمڕۆ هەینی، له‌ میانی هه‌ڵمه‌تێكی تیمه‌كانی دژه‌تیرۆری ئاسایشی ئه‌نقه‌رەدا‌، 22 کەس کە هەڵگری رەگەزنامەی عێراقن به‌تۆمه‌تی ئه‌ندامبون له‌ رێكخراوی داعش ده‌ستگیركران.

ئاوێنە: بەپێی میدیای رەسمی توركیا، دوای ده‌ستنیشانكردنی شوێنه‌كانیان، تیمه‌كانی دژه‌تیرۆری ئاسایشی ئه‌نقه‌ره‌ هه‌ڵمه‌تێكی هاوكاتییان بۆسه‌ر ئه‌و تۆمه‌تبارانه‌‌ی داعش ئه‌نجامدا كه‌ ده‌ركه‌وتوه‌ له‌و ناوچانه‌ بون كه‌ شه‌ڕ و پێكدادانی تیادا بوه‌.

له‌ میانی هه‌ڵمه‌ته‌كه‌دا، توانرا 22 تۆمه‌تبار كه‌ هەڵگری رەگەزنامەی عێراقن ده‌ستگیربكرێن.

ئاسایشی ئەنقەرە رایگەیاندوە، هه‌وڵه‌كان به‌رده‌وامن بۆ ده‌ستگیركردنی تۆمه‌تباره‌كانی دیكه‌.


زۆرترین بینراو
© 2021 Awene Online, Inc. All Rights Reserved.
×