سەرۆكی دەستەی حەشدی شەعبی ڕایدەگەیەنێت، بەڵگە نییە ھێزەكانیان تێوەگلابن لە بە ئامانجگرتنی باڵیۆزخانە و نوێنەرایەتییەكان لە بەغدا.
ئاوێنه: فالح فەیاز سەرۆكی دەستەی حەشدی شەعبی ڕایگەیاند، ھێزەكانی حەشدی شەعبی وەك دامەزراوەیەكی یاسایی لە چوارچێوەی دامەزراوەی وەزارەتی بەرگری پابەندی تەواویان ھەیە بەو سیاسەتەی كە حكومەتی عیراق لەسەر ئاستی ھەرێمی و نێودەوڵەتی گوزارشتی لێدەكات.
سەرۆكی دەستەی حەشدی شەعبی وتیشی، ھیچ بەڵگەیەك نییە ھێزەكانیان تێوەگلابێت لە بە ئامانجگرتنی باڵیۆزخانە و نوێنەرایەتییەكان لە بەغدا.
فالح فەیاز ئاماژەی بەوەشكرد، دابینكردنی سەقامگیری و ئاسایشی ھەڵبژاردن و نەھێشتنی ھەڵگرتنی چەك لە دەرەوەی یاسا، ئەركی حكومەتە.