2021-07-20   1808     
بڵێسە جەبار فەرمان، ئەندامى سەرکردایەتى یەکێتى رایگەیاند "کوردستان پێویستی بە سەرکردەو پێشڕەوێکی مێژوو کرد ھەیە، بەداخەوە تیاماندا بەدی ناکرێت".
ئاوێنە: بڵێسە جەبار فەرمان لەبڵاوکراوەیەکدا ئاماژەى بەوە کرد "ھەموو بەناو باڵادەستەکانی کوردو عێراق کەوتنەوە ئاراستەکردنی پیرۆزبایی لە خەڵک و کەسوکاری شەھیدان و پێشمەرگە و کەمئەندامان، بێ ئەوەی خۆیان بە بەرپرس بزانن بەرانبەر بە ژیان و گوزەرانیان و بێ ئەوەی لە ئازار و دۆخی سەختی ژیان تێ بگەن".
ئەو سەرکردایەتییەى یەکێتى ئەو بەرپرسانە بەوە تۆمەتبار دەکات کە بەخۆیاندا نەچوونەتەوە و بە تەواوى لە ماناى ئەو وشانە تێ ناگەن کە لە پەیامەکانیاندا ریزى دەکەن.
جەختیش لەسەر ئەوە دەکاتەوە کە "کوردستان پێویستی بە سەرکردەو پێشڕەوێکی مێژوو کرد ھەیە، بەداخەوە تیاماندا بەدی ناکرێت".