2021-08-19   439     
نرخی نەوت لەبازاڕەكانی جیهان بەردەوامە لە دابەزینی و ئەمڕۆش لە هەربەرمیلێك زیاتر لە یەك دۆلار لە نرخەكەی دابەزی و بە 67.32 دۆلار مامەڵەی پێوەكرا.
ئاوێنه: لەگەڵ كردنەوەی بازاڕەكاندا بەیانی ئەمڕۆ پێنجشەممە نرخی نەوتی خاوی برێنت لەبازاڕەكانی جیهاندا دابەزینی نوێی تۆماركرد، نرخی هەر بەرمیلێك بە 67.32 دۆلار مامەڵەی پێوەكرا و بەراورد بە دوێنی 1.33 دۆلار لە هەر بەرمیلێك نرخەكەی دابەزی.
هاوكات نرخی نەوتی خۆرئاوای تەكساسیش بە64.46 دۆلار مامەڵەی پێوەكرا و 1.53 دۆلار لە نرخەكەی دابەزی.
بەهۆی ڕاگەیاندنی كەرەنتینەی گشتيی لە چین، جەنگی ئەفغانستان و پڕبوونی عەمبارەكانی نەوتی ئەمریكا نرخی نەوت ماوەی زیاتر لەهەفتەیەكە ڕوو لەدابەزینە.