2021-11-22 805
سەرۆكی بێلاڕوس رایگەیاند، وڵاتەكەی چاوەڕێی وەڵامی یەكێتی ئەوروپایە لەسەر وەرگرتنی 2000 كۆچبەر لەسەر سنووری بێلاڕووس دەكات.
ئالیكساندەر لوكاشینكۆ سەرۆكی بێلاڕوس رایگەیاند بێلاڕووس داوا لە ئەڵمانیا دەكات كۆچبەرەكان وەربگرێت و یەكێتی ئەوروپا قسە لەگەڵ مینسكدا ناكات لەسەر ئەو بابەتە.
ئاماژه‌ی به‌وه‌ش كردووه: نەمانویستووە گرژییەكان زیاد ببێت، دەمانەوێت پۆڵەنداییەكان تێبگەن، سەرجەم پۆڵەنداییەكان و پیشانیان بدەین ئێمە دڕندە نین و ڕووبەڕووبوونەوەمان ناوێت. چونكە لەوە تێدەگەین ئەگەر زۆر بڕۆین ئەوا ناتوانین خۆمان لە جەنگ بەدووربگرین.”
باسی له‌وه‌ش كردووه ” ئەوە كارەسات دەبێت، بەباشی لەوە تێدەگەین. هیچ زیادبوونێكمان لە گرژییەكان ناوێت.
یەكێتی ئەوروپا بێلاڕووسی تۆمەتباركردووە بەوەی هەزاران كەسی لە ڕۆژهەڵاتی ناوەڕاستەوە هێناوە و ڕەوانەی سنووری نێوان وڵاتەكە و یەكێتی ئەوروپای كردوون تاوەكو بەشێوەیەكی نایاسایی بپەڕنەوە بۆ یەكێتیەكە، ئەوەش وەكو وەڵامێكی بۆ سزاكانی یەكێتیەكە بەسەر بێلاڕووسدا. مینسكیش ڕەتی دەكاتەوە بە مەبەست قەیرانەكەی دروست كردبێت.