وەزیرەكەی سەدر بۆ لایه‌نگرانی‌: دەست بەخۆپیشاندان بكەنەوە
  2022-08-11       273       

وەزیرەكەی سەدر داوا لە لایەنگرانی رەوتەكەی دەكات سبەی هەینی جارێكی دیكە خۆپیشاندان دەستپێبكەنەوە و بڕژێنەوە سەر شەقامەكان، هاوكات فۆڕمی هەڵوەشاندنەوەی پەرلەمانی عێراق پڕبكەنەوە.

ئاوێنه‌: ساڵح محەمەد عێراقی، كەسایەتی نزیك لە موقتەدا سەدر سەرۆكی رەوتی سەدر، ئەمڕۆ پێنجشەممە لە پەیامێكدا بۆ لایەنگرانی رەوتەكەی رایگەیاند، پێویستە ئامادەكاری بكەن بۆ ئەنجامدانی خۆپیشاندان لە كاتژمێر5 ی پاشنیوەڕۆی سبەی هەینی بەمەبەستی پشتیوانیكردن لە چاكسازی.

ئەمەش لە كاتێكدایە ئەمڕۆ چوارچێوەی هەماهەنگی داوای لە لایەنگرانی كرد سبەی هەینی كاتژمێر 5 ی ئێوارە دەست بە خۆپیشاندان بكەنەوە.

چوارچێوەی هەماهەنگی لە راگەیەندراوێكدا بڵاویكردەوە، لەپێناو بەرگریكردن لە یاسا و دەستور و پاراستنی دامەزراوەكانی دەوڵەت و خێراكردنی پێكهێنانی حكومەتێكی خزمەتگوزار داوا لە لایەنگرانیان دەكەن خۆپیشاندان رێكبخەن لە ناوچەی سەوز.

زۆرترین بینراو
© 2022 Awene Online, Inc. All Rights Reserved.
×