مستەفا چاوەڕەش: پێویستە پارتی و یەکێتی لەسەر پۆستی سەرۆككۆمارو هەمو شتێک رێکبکەون
  2022-10-01       493       

مستەفا چاوڕەش، ئەندامی سەرکردایەتیی یەکێتیی نیشتمانیی کوردستان رایگەیاند، پێویستە پارتی و یەکێتی وەک دو هێزی سەرەکیی هەرێمی کورستان لەسەر هەمو شتێک رێکبکەون بە پۆستی سەرۆككۆماریشەوەو بە یەک تیم بچنە بەغدا.

ئاوێنە: مستەفا چاوڕەش، لە لێدوانێكدا بۆ رۆژنامەنوسان وتی"یەکڕیزی میللەتی کورد لەسەروی پۆستی سەرۆککۆمار و هەمو شتێکەوەیە، ئێمە هەردو هێزی سیاسی گەورە لە هەرێمی کوردستان کە ‌هێزی چەکدارمان هەیە، پێویستە لەسەر هەمو شتەکان رێکبکەوین، حەیفە بە دو تیم بچینە بەغدا".

ئاماژەی بەوەشدا"هەمو خەڵکی کوردستان دڵیان بە لیکنزیک بونەوەی پارتی و یەکێتی خۆشە، بەتایبەتی ئێستا کە دۆخەکە هەستیارەو لە هەمو لایەکەوە هێرش دەکرێتە سەر ناوچەکانی کوردستان، بۆیە گرنگە لەسەر پۆستی سەرۆککۆمار و هەمو شتەکان رێکبکەوین، ئەمەش یەکڕیزی خەڵکی کوردستان دەپارێزێت".

مستەفا چاوڕەش، وتیشی"ئێستا دۆخی عێراق ئاڵۆزە، ئەگەر ئێمە یەکگرتو نەبین لایەنەکانی دیکەی عێراق سود لە پەرتەوازەیی ئێمە وەردەگرن."

زۆرترین بینراو
© 2022 Awene Online, Inc. All Rights Reserved.
×