محەمەد شیاع سودانی، سەرۆك وەزیرانی عێراق ئەمڕۆ چوارشەممە، رایگەیاند، هێزە ئەمنییەكان توانیان گەورەترین تۆڕی قاچاخچێتی نەوت لە بەسرە هەڵبوەشێننەوە.
ئاوێنە: محەمەد شیاع سودانی، لە توێتیكدا رایگەیاند، دوای ئەوەی بڕیارماندا بە چاودێریكردنی تۆڕەكانی بەقاچاخبردنی نەوت و جێبەجێكردنی فەرمانەكانی دەستگیركردنیان، مەفرەزەكانی دەزگای ئاسایشی نیشتمانی بەهاوكاری دەزگاكانیتر، توانیان گەورەترین تۆڕی قاچاخچێتی نەوت لە بەسرە هەڵبوەشێننەوە.
سەرۆك وەزیرانی عێراق جەختیشی كردۆتەوە كە "هیچ درێغییەك ناكەین و شەو و رۆژ كاردەكەین لەپێناو روبەڕوبونەوەی شێوازە جیاجیاكانی گەندەڵی."