كۆبونەوەی وەفدی هەردو مەكتەبی سیاسی پارتی و یەكێتی لە سلێمانی كۆتایی هات و لە راگەیەندراوێكی هاوبەشدا دەڵێن، لە كۆبونەوەكەدا بارودۆخی گشتی و هاوکێشە ناوخۆیی و ناوچەییەکان و راوسەرنج و تێبینی هەردولا لەسەر بابەتە جیاجیاکانی پەیوەست بەڕێککەوتنی پێشوتری هەردولا خرانەڕو و هەردولا رێككەوتن لەدەرفەتێکی نزیکدا کۆبونەوەی دیکەی هەردو وەفد ئەنجامبدرێت.
ئاوێنە: لە راگەیەندراوە هاوبەشەكەدا هاتوە "بەمەبەستی گفتوگۆکردنی راشکاوانە لەسەر کۆی ئە بابەتانەی پەیوەستن بە دۆخی سیاسی هەرێمی کوردستان و ئاڵوگۆڕی بۆچون و هەڵوێستەکان لەسەر چەندین بابەتی هەنوکەیی، وەفدی باڵای هەردو مەکتەبی سیاسی پارتی دیموکراتی کوردستان و یەکێتیی نیشتمانیی کوردستان لەبارەگای مەکتەبی سیاسی یەکێتی لە سلێمانی ئەمڕۆ ٢٨-١-٢٠٢٣ کۆبونەوە."
بەپێی راگەیەندراوەكە، لە كۆبونەوەكەدا "بارودۆخی گشتی و هاوکێشە ناوخۆیی و ناوچەییەکان و راوسەرنج و تێبینی هەردولا لەسەر بابەتە جیاجیاکانی پەیوەست بەڕێککەوتنی پێشوتری هەردولا خرانەڕو."
وەك لە راگەیەندراوەكەدا هاتوە"لەکۆتاییدا هەردولا رێککەوتن لەدەرفەتێکی نزیکدا کۆبونەوەی دیکەی هەردوشاند ئەنجامبدرێت."
دەقی راگەیەندراوە هاوبەشەكە:
ڕاگەیەندراوی هاوبەشی کۆبونەوەی هەردو مەکتەبی سیاسی؛ یەکێتیی نیشتمانیی کوردستان و پارتی دیموکراتی کوردستان
بەمەبەستی گفتوگۆکردنی راشکاوانە لەسەر کۆی ئە بابەتانەی پەیوەستن بە دۆخی سیاسی هەرێمی کوردستان و ئاڵوگۆڕی بۆچون و هەڵوێستەکان لەسەر چەندین بابەتی هەنوکەیی، شاندی باڵای هەردو مەکتەبی سیاسی پارتی دیموکراتی کوردستان و یەکێتیی نیشتمانیی کوردستان لەبارەگای مەکتەبی سیاسی یەکێتی لە سلێمانی ئەمڕۆ ٢٨-١-٢٠٢٣ کۆبونەوە.
بارودۆخی گشتی و هاوکێشە ناوخۆیی و ناوچەییەکان و راوسەرنج و تێبینی هەردولا لەسەر بابەتە جیاجیاکانی پەیوەست بەڕێککەوتنی پێشوتری هەردولا خرانە ڕو.
لەکۆتاییدا هەردولا رێککەوتن لەدەرفەتێکی نزیکدا کۆبونەوەی دیکەی هەردوشاند ئەنجامبدرێت.
یەکێتیی نیشتمانیی کوردستان
پارتی دیموکراتی کوردستان
٢٨-١-٢٠٢٣