گرێبەستی کارمەندانی هەڵبژاردن دەکرێتە گرێبەستی هەمیشەیی
  2023-06-09       450       

کارمەندانی کۆمیسیۆنی هەڵبژاردنەکانی عێراق بڵاویکردەوە، گرێبەستی کارمەندانی کۆمسیۆن لە کاتییەوە بۆ هەمیشەیی گۆڕدرا.

ئاوێنە: کۆمسیۆنی باڵای هەڵبژاردنەکانی عێراق بڵاویکردەوە، “دوا بە دوای کۆتاییهاتنی هەڵبژاردنی ئەنجومەنی نوێنەرانی عێراق ساڵی 2021 ، گرێبەستی هەڵبژاردنی کارمەندانی کۆمیسیۆنی هەڵبژاردنەکانی عێراق هەڵپەسێردرا”.

ئاماژەی بەوەشکرد، “بە پشتیوانی و جەختکردنەوەی بەردەوامی بەرپرسانی کۆمیسیۆنی هەڵبژاردن لە ئۆفیسی پارێزگای سلێمانی و ئۆفیسی نیشتمانی دواجار ئەنجومەنی وەزیرانی عێڕاق بە بڕیاری ژمارە (23320) لە رێکەوتی 30 ئایار رەزامەندی دا بەگۆڕینی جۆری گرێبەستی هەڵبژاردنی ناوبراوان بۆ گرێبەستی هەمیشەیی”.

ئاشکراشیکرد، “لیژنەیەک لە ئۆفیسی سلێمانی پێشوازی لەو کارمەندانە کرد تاوەکو رێککارە سەرەتاییەکانی گۆڕینی گرێبەستەکانیان ئەنجامبدەن”.

 

زۆرترین بینراو
© 2024 Awene Online, Inc. All Rights Reserved.
×