بەڕێوەبەرایەتی
كۆنترۆڵی جۆری دەرمان لەوەزارەتی هەرێم ریگەیاند ئەمڕۆ یەكشەممە لەبازگەی دێگەڵە
لەسەر رێگەی كۆیە-هەولێر دەست بەسەر بارێك دەرمان و پڕۆتینی نایاساییدا گیراوە.
ئاوێنە:
بەڕێوەبەرایەتییەكە، لەڕاگەیەندراوێكدا هێمای بۆ ئەوە كردوە كە ئەو بارە دەرمان و
پڕۆتینە لە بازگەی دێگەڵە لەلایەن بەشی بازگەکانی کۆنتڕۆڵی جۆری دەرمان دەستی بەسەردا گیراوە.
لەڕاگەیەندراوەكەدا هاتوە"بارهەڵگرێکی ئاسایی بارێک دەرمان و پڕۆتینی
بە نایاسایی و بەبێ ڕێگەپێدانی کۆنتڕۆڵی جۆری دەرمان KMCA بەرەو هەولێر هەڵگرتبو، بەڵام پێش داخڵبونی
بۆ هەولێر لە بازگەی دێگەڵە دەستی بەسەردا گیرا."
ئەوەشی خستۆتەڕو"بەپێی ڕێنمایەکانی کۆنتڕۆڵی جۆری دەرمان دەبێت بەرهەمە دەرمانسازییەکان
بە ئۆتۆمبێلی ساردکەرەوە بگوازرێنەوە."