له‌ چوار پارێزگای باكوری كوردستان، رێگای 527 ناوچه‌ی نیشته‌جێبون به‌هۆی به‌فرەوە‌ به‌ڕوی هاتوچۆدا داخران.

ئاوێنە: له‌ راگه‌یه‌ندراوێكدا كه‌ له‌لایه‌ن گه‌وره‌ شاره‌وانی وان-ه‌وه‌ بڵاوكراوه‌ته‌وه‌، ئاماژه‌ به‌وه‌ كراوه‌ كه‌ به‌هۆی به‌فرەوە‌ له‌ شارۆچكه‌كانی "باخچه‌سه‌رای" رێگاوبانی 70 ناوچه‌ی نیشته‌جێبون، له‌ "باشكاله"‌ 35، له‌ "گورپنار" 24 و له‌ "چاتاك" سێ ناوچه‌ی نیشته‌جێبون به‌ڕوی هاتوچۆدا داخراون.

له‌ راگه‌یه‌ندراوه‌كه‌دا باس له‌وه‌ كراوه‌ كه‌ تیمه‌كانی راماڵینی به‌فر له‌ ئیداره‌ی تایبه‌تی پارێزگاكه‌ ره‌وانه‌ی ئه‌و ناوچانه‌ كراون و له‌ ماوه‌یه‌كی كورتدا رێگاوبانه‌كان ده‌كه‌نه‌وه‌.

به‌هۆی ناله‌باری كه‌شوهه‌وا و به‌فرەوە‌ له‌ "موش" رێگاوبانی 56 گوند، له‌ "به‌دلیس" 28 گوند و له‌ "هه‌كاری" 95 گوند، له‌گه‌ڵ رێگاوبانی 216 كێڵگه‌ به‌ڕی هاتوچۆدا داخراون.

تیمه‌كانی راماڵینی به‌فر له‌و ناوچانه به‌رده‌وامن له‌سه‌ر كاره‌كانیان.