نوسینە فەلسەفییەکانی ئەکادیمی کورد، د. ساماڵ مانیی، بە زمانی کوردی  لە دوو کتێبی 'هەگبەی زانین ی یەکەم' و 'هەگبەی زانین ی دووەم' لەبازنەی فەلسەفە دۆکیومەنت کران.
 بە دۆکیومەنت و بەدیجیتاڵ کردنی کتێب و نوسینە فەلسەفیە فۆرماڵە ئەکادیمیەکان واتە تۆمارکردنیانە لەناو مێژووی بیرکردنەوە فەلسەفیەکانداو لەناو فەیلەسوفەکاندا، ئەم هەوڵە ماوەی بیست ساڵە لە لایەن دەزگا و سەنتەرە فەلسەفیە جیهانیەکانەوە ئیشی بۆدەکەن ولە ئێستادا بە تەواوی جێگەی خۆی سەقامگیر کردوە لەناو بازنەی فەلسەفیدا. د. ساماڵ مانیی نوسین و بیرکردنەوە فەلسەفیەکانی بە زمانی ئینگلیزیش هەر بە هەمان شێوە دۆکیومەنت و بە دیجیتاڵ کراون. 
د. ساماڵ مانیی دکتۆرای لەفەلسەفەدا بەدەست هێناوەو نوسەر و مامۆستا و لێکۆڵەری فەلسەفەو ئەندامی هەمیشەیی کۆمەڵەی فەیلەسوفەکانی بەریتانیایە، ئەندامی کۆمەڵەی ژنە فەیلەسوفەکانی بەریتانیایە، ئەندامی ئینستیتوتی خوێندنی باڵای فەلسەفەیە لەبەریتانیا، ئەندامی کۆمەڵگەی دیجیتاڵی فەیلەسوفەکانە.